Dharkenley iyo Kaaraan oo ku ballansan tartanka Shabelle

[Deeq A.]

Iyadoo xalay la guda galay is-araga labaad ee wareega koowaad tartan aqooneedka faca weyn ee Idaacadda Shabelle ayaa waxaa markale kulanka caawa ku baratami doono degmooyinka Dharkenley iyo Holwadaag oo ka wada tirsan gobolkaan Banaadir.

Labada degmo ayaa ku wada jira group-ka A ee wareega koowaad tartan aqooneedka bisha barakeysan ee Ramadaan oo haatan maraya meel xiiso badan.

Dharkenley ayaa horay barbara ula soo gashay dhiggeeda degmada Wadajir is-aragii koowaad ee tartanka, halka degmada Kaaraan ay iyana barbar dhac la soo gashay dhiggeeda Howlwadaag, sidaasi waxa ay ku leeyihiin min hal dhibcood.

Is-araga labaad ee tartanka oo xalay lagu bilaabay degmooyinka Wadajir iyo Howlwadaag ayaa waxay guushu raacday tartamayaasha Wadajir.

Taaba-gelinta sanadkaan tartanka bisha barakeysan ee Ramadaan waa dalada Soomaali Forex Association ee loo soo gaabiyo (SOFA), halka su’aal diyaarintuna ay tahay Jaamacadda caalamiga ah ee Princeton International University ee M/ Muqdisho.

View the full article