Madaxweynaha Maamul-goboleedka Puntland oo xilka ka eryay Taliyihii Booliiska Puntland & Ku-xigeenadisii

[Deeq A.]

Madaxweynaha Maamul-goboleedka Puntland oo xilka ka eryay Taliyihii Booliiska Puntland & Ku-xigeenadisii

Taliyaha Xilka laga qaaday Gen Muxiyadiin Axmed Muuse

Madaxweynaha maamul-goboleedka Puntland Siciid Cabdullaahi Deni, ayaa xilka qaadis ku sameeyay Taliyaha Ciidanka Booliiska Puntland Gen Muxiyadiin Axmed Muuse.

Dikreeto Maanta oo Isniin ah ka soo baxday Xafiiska Madaxweynaha Puntland Siciid Cabdullaahi Deni, ayaa xilkii  looga qaaday Taliyaha Booliiska Sarreeye Gaas Muxiyadiin Axmed Muuse, waxaana xilkaasi loo magacaabay S/Guuto Cabdi Xasan Xuseen (Cabdi Yare).

Sidoo kale, waxaa xilkii laga qaaday Taliye ku xigeenkii kowaad ee Ciidanka Booliiska sarreeye Guuto Bile Faarax Cali iyo Taliye ku xigeenkii saddexaad Gaashaanle sare  Axmed Maxamuud Cali (Jeenitaag).

Madaxweynaha ayaa saraakiishaas xilalkii ka qaaday, si dib u habayn loogu sameeyo Taliska Guud ee Ciidanka Booliiska Puntland, sida ku xusan Dikreetada ka soo baxday Xafiiskiisa, balse lama sheegin cid weli loo magacaabay Taliye ku xigeenka kowaad iyo saddexaad ee Booliiska.

 

Qaran News