Muqdisho: Sagaal qof oo hor leh oo u geeriyootay Covid-19

[Deeq A.]

Wasaaradda caafimaadka Soomaaliya ayaa shaacisay in sagaal qof oo hor leh ay xalay u geeriyootay cudurka faafa ee Coronavirus.

Qoraal kooban oo wasaaradda ka soo baxay ayaa waxaa lagu sheegay in dadkaasi ay ku dhinteen isbitaalka Martiini ee magaalada Muqdisho.

“Waxaan tacsi tiiraanyo leh u direynaa dhammaan qoysaskii iyo eheladii ay ka geeriyoodeen 9 bukaan kuwaas oo xalay ku geeriyooday isbitaal Martiini.” ayaa lagu yiri qoraalka ka soo baxay wasaaradda caafimaadka xukuumadda federaalka Soomaaliya.

Tirada dadka u geeriyooday cudarka Covid 19 inta la diiwaan galiyey ayaa gaareysa illaa 32 ruux, halka dadka uu soo ritay ay cagacageyneyso 436 oo qof.

View the full article