Kiisaska Cudurka Coronavirus oo gaadhay 390 Ruux Gudaha Somalia.

[Deeq A.]

Kiisaska Cudurka Coronavirus oo gaadhay 390 Ruux gudaha Soomaaliya.

62 bukaan oo cusub ayaa maanta laga helay Cudurka Covid-19 gudaha Soomaaliya sida ay xaqiijisay Wasaarada Caafimaadka Soomaaliya 18 kamid ah ayaa dheddig ah, halka 44 ay lab yihiin. Wasiirka Caafimaadka iyo Daryeelka Bulshada Fawsiya Abiikar Nuur, oo Galabta soo gudbisay warbixinta xanuunka COVID-19, ayaa sidoo kale sheegtay in laba ruux ay u geeriyoodeen cudurka halka laba kalena ka bogsadeen.

Wasiir Fawsiya, ayaa sheegtay in tirada guud ee bukaannada laga helay COVID-19 ee dalka ay gaadhay 390 qof, halka tirada dadka u geeriyooday ay gaadhtay 18 ruux,  sidoo kalena ay ka bogsoodeen 10 bukaan.

Marwo Fawsiya, ayaa sidoo kale dadweynaha ugu baaqday in ay taxaddar ka muujiyaan xanuunka COVID-19, islamarkaana ay qaataan talooyinka caafimaad, si looga hortago faafidda xanuunka.

Qaran News