Dagaal Xooggan Oo Dib Uga Qarxay Gobolka Sanaag Iyo Wararkii Ugu Dambeeyey

[Deeq A.]

(SLT-Fadhigaab)-Wararka aan ka heleyno Gobolka Sanaag ayaa waxaa ay sheegayaan in deegaan ka tirsan Gobolkaas uu ka socdo dagaal xooggan oo u dhexeeya laba beeleed oo halkaas wada-dega.

Dagaalkan ayaa waxaa sigaar ah uga socdaa deegaan lagu magacaabo fadhigaab ee ka tirsan Gobolka Sanaag, waxaana lasoo sheegayaan in Maleeshiyo beeleedka ay isku adeegsanayaan hubka noocyadiisa kala duwan.

Wararka ayaa intaas kusii daraya in dagaalka Maleeshiyaadka uu salka ku haayo dul-daaqsimeed ku yaalla deegaanka fadhigaab, welina lama oga Khasaaraha dhimasho iyo midka dhaawac ee ka dhashay dagaalkaas.

Sidoo kale dadka deegaanka iyo Odayaal dhaqmeed ayaa lagu soo waramayaa inay ku baxeen dagaalka dhexmaraya labada Maleeshiyo beeleed, iyagoo doonayan inay joojiyaan dagaalka socda.

Wararka ay helayso Somalilandtoday ayaa sheegaya in uu jiro khasaare dhimasho iyo dhaawacba leh, balse ilaa hadda lama xaqiijin khasaaraha rasmiga ah.

Dhan kale oo wararka aanu helayo ayaa waxa ay sheegayaan in ciidammo ka tirsan millatariga Somaliland oo ku sugnaa deegaanku ay kala dhex galeen labadan maleeshiyo beeleed.

Source