“Haddii Aad Haysan Weydo Salaadiintaada, Dhalinyaradaada Iyo Aqoonyahankaagu Muqdisho Ayey U Wadda Guurayaan…” Cali Guray.

[Deeq A.]

(SLT-Hargeysa)-Siyaasi Cali Maxamed Yusuf (Cali Guray),ayaa sheegay inay Somaliland u baahan tahay wakhtigan in la bad-baadiyo,waxaanu tilmaamay inuu Madaxweyne Biixi ka gaabiyey isku hayntii bulshada reer Somaliland,taasi oo fursad ay ka faa’iidaysteen keentay maamulka Muqdisho.

Mujaahid Cali Guray ayaa haddalkiisa ku bilàabay siddan“Waar haddii la doonayo Somaliland waxay u baahantahay marxaladan in la bad-baadiyo oo Dad u daacad ahi ay ka bad-baadiyaan waxay ku socotaa meel halis ah ,maxaynu Salaadiinteena u qabsanaynaa, Salaadiintaadda haddii aad haysan weydo oo aqoonyahankaaga aad haysan weydo oo dadkaaga aad haysan weydo waa lagaa shaqaysanayaa, ma diidi karro Muuse Biixi .”Ayuu yidhi Cali Guray

Waxaanu intaas ku daray“Dhalinyaradaada ayaa Muqdisho u wada guuri, aqoonyahankaaga ayaa Muqdisho u wada guuri, Salaadiintaad ayaa Lacag la siin oo lagugu isticmaali , haddii aad keligaa inta aad aqal isku xidhato aad tidhaah anniga ayuun-baa wax ah,cid kale oo wax ahina ma jirto , markaa dadka kalena wuxuu tusayaa inay wax yihiin , waxay gaadhi doonta Caddowgaaga Caddowgii waa saaxiibkaa .”

Source