Rag ku hubeysnaa bistoolado oo lagu qabtay Muqdisho

[Deeq A.]

Ciidamada amniga ee jooga bar-koontarool oo ku taalla agagaarka Masjidka Biyamalow ee degmada Howlwadaag ayaa maanta toogasho ku dhaawacay 2 nin oo la sheegay inay ku hubeysnaayeen bistoolado, kuwaas oo la socday gaari nooca raaxada ah.

Raggaan ayaa ka ‘biyo-diiday’ inay ka soo dagaan baabuurka ay saarnaayeen, si loo baaro waxaana ay sababtay in ciidamadu ay rasaaseeyaan.

Dad goobjoogayaal ah ayaa Idaacadda Shabelle u sheegay in labada nin oo dhaawac ah markii dambe ay gacanta ku dhigeen ciidamada Booliska Soomaaliya.

Sidoo kale saraakiil ka tirsan ciidamada dowladda iyo xubno ka tirsan maamulka degmada Howlwadaag ayaa goobta gaaray, balse kama aysan hadlin dhacdadaasi.

Dhowaan ayey aheyd markii ciidamada ammaanka sidaan oo kale ay suuqa Bakaaraha ugu dileen rag ku hubeysnaa bistoolado oo la sheegay inay ka tirsanaayeen Al-Shabaab

View the full article