Hotel lagu hayay dad looga shakiyey cudurka coronavirus oo dumay+Khasaaraha

[Deeq A.]

Ku dhawaad siddeetan ruux ayay wararku sheegayaan in lagu la`yahay bur-burka hotel lagu hayay dad looga shakisan yahay cudurka coronavirus kaas oo ku kor dumay gobolka Quanzhou ee dalkaasi Shiinaha.

Hotelkan oo shan biyaano ahaa ayaa waxaa lagu hayay 70 ruux oo looga shakisnaa cududrka coronavirus, waxaana sidoo kale ku sugnaa dhakhaatiir iyo dad kale oo hotelkaasi ka shaqeynayay.

Wararki ugu dambeeyay ayaa waxa ay sheegayaan in in 34 ka mid ah dadkani laga soo saaray bur-burka hotelka, waxaase wali socda baadi-goobka dadkii kale.

Hay`adaha gar-gaar iyo booliska oo aan kala harin ayaa ku sugan goobta, waxaana socda dadaallo ballaaran oo dadka musiibadu ku dhacday loogu gurmanayo.

Hotelkan oo la furay sannadkii 2018-ka islamarkaana leh 80 qor ayaa waxa uu u kireysnaa dowladda, waxaana ay ku haysay dadka looga shakisan yahay cudurka coronavirus oo asal ahaan ka bilowday dalka Shiinaha, caalamkana ku faafay.

Wali lama oga sababka keentay in hoteelkaasi soo dumo.

Qaran News