Nin ayaan-daran oo lumiyay lambar-sireedyada accoun-no ay ugu jireen malaayiin dollar

[Deeq A.]

Dhacdo layaab leh ayaa waxaa ay ka dhacday dalkaasi Ireland kaddib markii nin lagu magacaabo Clifton Collins (49-jir) uu tagay saldhigga booliska uuna ku wargeliyay in ay ka luntay warqad ay ugu qornaayeen lambarsireedyada accoun-no ay ugu jireen lacagta loo yaqaan Bitcoin oo u dhigantay  €55 milyan oo lacagta yuurada ah.

Qisadan ayaa ku bilaabatay ninkan oo markiisii hore ka ganacsan jiray daroogada ayaa waxaa uu maal-gashtay lacagta internetka ka shaqeysa ee loo yaqaan Bitcoin, waxaana uu sannadkii 2011 soo iibsaday 6000 oo bitcoins xilligaas oo uu calaa xabad bitcoin marayay lacag u dhiganta 5 dollar, hadan qiimeheeda uu ku dhow yahay 1000 dollar (kun dollar) calaa xabad.

Nasiibdarrada ku dhacday ninkan ayaa aheyd in xilliyadaas agteeda loo taxaabat xabsiga sababo la xiriira dambiyo daroogo oo lagu helay, isagoona loo jaray xabsi sanooyin ah.

Isagoo ka baqayay in lacagtiisa bitconka uu hal accoun isugu geeyo dabadeedna ay ka jabsadaan qowleysatada internet-ka ayaa waxaa uu sameeyay in uu lacagtiisa u kala qeybiyay dhowr account kuwaas oo uu u kala yeeshay nambar sireedka uu ku daabacday warqad A4 ah, sidaasna uu ugu qarsaday goob kiro ah uu daganaa islamarkaana ku beeran jiray daroogada.

Markii la xiray, oo ninkii guriga lahaa heli waayay lacagta kiradiisa ayaa waxa uu qashinka ku daray dhammaan agabkii ninka oo uu ku jiray sanduuq yar oo warqadda lambarsireedyada lagu dhex qariyay.

Rajada in uu dib u helo warqadda ay lambarsireedyada ugu qornaayeen ayaa aad u liidata, sababtoo ah qashinkii nawaaxigaas laga qaaday waxaa loo diray dalka Shiinaha.

Lacagta Bitcoin-ta

Marka hadda waxaa accounadaasi ku jirta lacag dhan 55 milyan oo EURO taas oo aan cidi la bixi karin marka laga reebo ruuxa haysta ama hela lambar-sireedyada.

Baarayaal ka socda Garda Síochána (Booliska Ireland) ayaa warbaahinta u sheegay in ay aaminsan yihiin sheegashada ninkan, balse aan ka gaar laheyn.

Collins ayaa dhankiisa sheegay in dhibaatadan ku dhacday loo aaneyn karo dabaalnimadiisa oo keliya.

Qaran News