Sawirro: Xaflad loogu mahad celiyey xildhibaan Carabow oo lagu qabtay Muqdisho

[Deeq A.]

Muqdisho (Caasimada Online) – Xaflad lagu dhiirri galinayay looguna mahad naqayayey xildhibaan Cabduqaadir Carabow ayaa xalay lagu qabtay magaalada Muqdisho.

Xafladdan oo ay soo qaban-qaabiyey dhallinyarada beesha Mudullood ayaa xildhibaan Carabow looga mahad-celiyey sida uu ugu guuleystay inuu xabsiga dalka Itoobiya kasoo daayo fanaan Khadar Ibraahim Keeyow.

Xafladda ayaa waxaa kasoo qaybgalay dhammaan qaybaha kala duwan ee uu ku matallo dowladda dhexe, sida dhallinyaro, gabdho, odayaal, iyo waxgarad kale.

Khadar Ibraahim Keeyow oo saddex toddobaad ku xirnaa magaalada Addis Ababa ee dalka Itoobiya, ayaa waxaa lasii daayey 21-kii Janaayo.

Sii daynta Khadar Keeyow ayaa waxaa gacan ka gaystay xildhibaan Cabdulqaadir Carabow, oo ah xildhibaanka ku matala golaha shacabka, kaasi oo arrintan darteed uga baxay Muqdisho, muddana ku sugaa dalka Itoobiya, si uu u xaqiijiyo sii-deynta Khadar.