Muqdisho: Xaflad sagaatin ah oo loo qabtay isimadii Puntland iyo DDS

[Deeq A.]

Guddoomiyaha gobolka Banaadir ahna duqa magaalada Muqdisho Cumar Maxamud Maxamed (Cumar Filish) ayaa caawa kulan casha sharaf ah oo sagootin ah u sameeyay Isimo ka socday Puntuland iyo dowlad degaanka Soomaalida, kuwaas oo maalmihii la soo dhaafay ku sugnaa Muqdisho.

Kulankan waxaa goob joog ka ahaa Wasiiro iyo Xildhibaano ka tirsan dowladda Federaalka Soomaaliya, Guddoomiye ku-xigeenada maamulka gobolka Banaadir, odoyaal dhaqameed, fanaaniin iyo qeybaha bulshada rayidka.

Duqa Muqdisho Cumar Filish oo kulankan ka hadlay ayaa xusay in Muqdisho ay tahay magaalo umada Soomaaliyeed oo dhan ka dhaxeysa.

Sidoo kale wuxuu sheegay in waajib ka saaran yahay qofkasta oo muwaadin Soomaaliyeed ah in uu door ka qaato xoojinta xasiloonida iyo dib u soo celinta bilicda caasimadda Muqdisho.

PUNTLAND POST

The post Muqdisho: Xaflad sagaatin ah oo loo qabtay isimadii Puntland iyo DDS appeared first on Puntland Post.