Xog:Gawaadhi Gaashaaman oo laga xaday xero ciidan

[Deeq A.]

Sweden: Gawaadhi Gaashaaman oo laga xaday xero ciidan

 

 

Hay`adaha amaanka dalka Swedan ayaa baadi-goobaya labo gaari oo nooca gaashaman ah kuwaas oo laga xaday xero ciidan oo ku taal magaalada Enköping oo u dhow Uppsala.

Gawaaridan ay ciidamadu leeyihiin ee la xaday ayaa ah nooca qaaliga ah ee loo yaqaan Galten, waxaana midkiiba uu yahay ku dhowaad 3 mitir oo joog ah iyo 5 mitir oo jiif ah, halka culeyskiisuna yahay 7 tan.

Booliska ayaa sheegay in xerada lagala baxay gawaaridan ay ka warheleen shalay gelinkii dambe, waxaana ayna intaasi raaciyeen in ay u baarayaal kiiskan sida mid tuuganimo xad-dhaaf ah.

Qoraal ay soo qoreen booliska ayay ku sheegeen in xatooyadu dhacday inta u dhaxeysay 4. og 5. bishan eynu ku jirno ee februar.

Dadka iyo darawallada ayay ugu baaqeen in ay la socdaan dhaq-dhaqaaqa gawaaridan, ayna kusoo wargeliyaan boolisk haddii ay arkaan.

Waa markii ugu horreysay oo gawaari ciidan laga xado ciidamada Swedan.

Qaran News