Murashaxiin la hadlay baarlamaanka Galmudug

[Deeq A.]

Dhuusamareeb (SMN) – Baarlamaanka labaad ee Galmudug ayaa maanta dhageysatay hadal-jeedinta murashaxiinta gudoonka Golaha Wakiilada maamulkaas.

Murashaxiinta ayaa tiradooda lagu sheegay todoba, kuwaasoo buuxiyey dhamaan shuruudaha la hor-dhigay.

Hadal-jeedinta murashaxiinta ayaa si toos ah looga baahinayey qaar kamid ah muuqaal-baahiyeyaasha maxaliga ah.

Saddex kamid ah murashaxiinta ayaa u tartameysa xilka afhayeenka, laba kale ayaa u taagan ku xigeenka koowaad, labada kalena waa ku xigeenka 2aad.

Maalinta berri ah ayaa la filayaa in ay dhacdo doorashadda gudoonka, waxaana loogu jiraa diyaar-garowgii u dambeeyay.

Kulamo siyaasadeed oo lagu kasbanayo kalsoonida mudaneyaasha ayaa ka socda gudaha magaalada Dhuusamareeb oo martigelineysa doorashooyinka.

View the full article