Amiir Harry iyo marwadiisa Meghan oo isaga baxay safka hore ee daladda reer boqorka Ingriiska

[Deeq A.]

Amiir Harry iyo marwadiisa Meghan oo isaga baxay safka hore ee daladda reer boqorka Ingriiska

Qoraal ay soo saareen Amiir Harry iyo marwadiisa Meghan ayay ku sheegeen in ay isaga baxeen safka hore ee daladda reer boqorka Ingriiska kaddib bilo ay arrintani ka baaraandagayeen.

Qoyskan da`da yar ayaa sheegay in wixii hadda ka dambeeya ay isku tashan doonaan dhaqaale ahaan iyo in ay keligood taagnaadaan, balse ay taageero buuxda iyo garab-istaag u hayaan boqoradda oo Harry ayeydii ah.

Meghan Markle iyo Amiir Harry ayaa sheegay in ay u dhaxeyn doonaan deegaan ahaa Waqooyiga Ameerika iyo Britain.

“Khilaafka” u dhexeeya Amiirka iyo qoyskiisa reer boqor ayaa muddooyinkii u dambeeyay bannaanka imaanayay, iyadoona la arkayay faquuq lagu hayo oo ay u dambeeysay dabaaldeggii Chrismaska xilligaas oo sawirka amiirka iyo xaaskiisa laga waayay miiskii ay khudbadda ku akhrineysa boqoradda iyo in ay ka guureen gurigii ay ka dagnaayeen duleedka magaalada London.

Meghan ayaa loo badinayaa in ay galaafatay Harry sababo la xiriira in aan lala rabin.

Qaran News