Muqdisho: Maxkamadda Ciidamada oo dil ku xukuntay rag lagu helay Shabaabnimo

[Deeq A.]

Maxkamadda ciidamada qalabka sida ee Soomaaliya ayaa maanta  toddoba nin oo ka tirsan Al-Shabaab ku xukuntay dil toogasho ah kadib markii dhegaysiga kiisku  socday mudda toddobaad ah.

Saddex ka mid ah toddobada dilka lagu xukumay ayaa joogay maxkamadda, halka afar kalena weli aan gacanta lagu dhigin.

Ragga dilka lagu xukumay waxa aku jira Maxamed Xaaji Axmed oo ku magac dheer Ilkacase, kaasi oo lagu eedeeyey inuu madax u ahaa amniyaatka dadka khaarajiya ee Al-Shabaab ee magaalada Muqdisho.

Mid siddeedaad ayaa lagu xukumay xabsi daa’im, halka gabadh lagu xukumay 15 sano oo xarig ah.

Dhammaantood waxa lagu helay inay gaysteen falal argagaixiso iyo ka mid ahaansho ururka Al-Shabaab.

PUNTLAND POST

The post Muqdisho: Maxkamadda Ciidamada oo dil ku xukuntay rag lagu helay Shabaabnimo appeared first on Puntland Post.