Tartan Kubada cagta ah oo galabta ka furmey degmada Dhahar ee Gobolka Sanaag

[SOO MAAL]

Tartan Kubada cagta ah oo galabta ka furmey degmada Dhahar ee Gobolka Sanaag.

Dhahar-02.June.2005 Tartan kubada cagta ah oo ay ku kulmayaan 6 kooxood oo heerka Junyerka ah ayaa galabta ka furmey Degmada Dhahar ee Gobolka Sanaag.

 

Tartan Kubada cagta ah ayaa waxaa loo tartamayaa Koob ay dhigtey Hay’ada lagu magacaano Dandoor, waxaana tartanka ka qayb galaya lix kooxood oo ka dhisan Gobolada Sanag iyo Haylaan.

 

Kooxaha ka qayb galaya tartankan kubada cagta ah ayaa waxaa ka mid ah Tawkal, Dalsan, 571, Mustaqbal, Dahabshiil iyo Dayax.

 

Ciyaartii ugu horeysay ayaa galbta waxay dhex martey Kooxaha Tawakal iyo Dalsan waxaana labada kooxood ay ku kala baxeen 2 iyo 2.

 

Furitaankii ciyaartii maanta ayaa waxaa ka soo qayb galey masuuliyiin kala duwan, waxaana ciyaarta furey Wasiiru dawlaha Madaxtooyada ee Dawlad Goboleedka Puntland Axmed Xuseen Doonyaale iyo Gudoomiyaha Haylan Haybe Cali Axmed, waxaana munaasabadaas ka soo qayb galey xubno ay ka mid ahaayeen Wasiir ku xigeenka Horumarinta reer miyiga ee DFKMG ah ee Soomaaliya Siciid Xasan Shire, Gudoomiye kuxigeenka Haylaan Siciid Xasan Xaaji(Waraabe), Gudoomiyaha Gudiga maamulka degmada Dhahar Sahal Maxamed Jaamac , Gudoomiyaha Dalada Ururada Bulshada ee Xaqsoor Axmed C/laahi Galow iyo waliba dadweyne aad u fara badan.

 

Ciyaarahan ayaa waxay socon doonaan 7 cisho hadii EEBE idmi sida ay Idaacada SBC u sheegeen Masuuliyiin ka tirsan Degmada Dhahar.

 

Maxamuud C/raxmaan Rood

SBC Boosaaso.