Xilli Roobaadka Deyrta oo ka bilowday qeybo kamid ah gobolada Soomaaliya

[Deeq A.]

Xilli roobaadka Deyrta ee sanadkaan, ayaa ka bilowday qaybo ka mid ah dalka Soomaaliya. Gobolada waqooyi bari ee la isku yiraahdo Puntand ayaa meelo kamid ah helay Roob dhexdhexaad ah.

Sidoo kale, 24 saac ee lasoo dhaafay qeybo katirsan gobolka Gedo ee koonfur galbeed Soomaaliya ayaa helay Roob sidaas oo kale ah.

Saadaasha roobka ee saddexda maalmood ee soo socota waxay muujineysaa in roobab u dhexeeya kuwo fudud iyo kuwo meel dhexdhexaad ah ay helidoonaan gobolada Sool iyo Sanaag.

Sidoo kale, gobolada waqooyi ayaa helidoona roobab  xoogan sida ay sheegayso saadayaasha roobka ee maalmaha soo socda.

Saadaasha waxay digniin ka bixinaysaa daadad uu sameeyo webiga Shabelle ee mara degmooyinka Mahadaay, Jowhar iyo Balcad ee Shabellada dhexe, maadaama webigu meelo badan ka furan yahay.

Eeg jaanjuuska Roobka.

Puntland Post

The post Xilli Roobaadka Deyrta oo ka bilowday qeybo kamid ah gobolada Soomaaliya appeared first on Puntland Post.