Xubno ka tirsan Al-Shabaab oo lagu dilay gobolka Bari

[Deeq A.]

Boosaaso (SMN) – Ciidamada ammaanka ee Puntland ayaa maanta howlgallo qorsheysan ka sameeyey qeybo ka mid ah gobolka Bari ee maamulka Puntland.

Howlgallada oo ahaa kuwa dhan ah Al-Shabaab ayaa waxa ay ciidamadu ka fuliyeen dhanka buuraha Calmadow ee gobolkaasi.

Saraakiil ka tiran kuwa Puntland ayaa sheegay in howlgalladaasi ay ku dileen xubno ka tirsan Al-Shabaab , kadib iska hor imaad ay la galeen.

Ma shaacin saraakiishu tirada dagaalyahannada ay dileen, mana jiro wax war ah oo ka soo baxay dhanka Al-Shabaab oo ku aadan dagaalkaasi.

Xaaladda ayaa hadda ah mid kacsan, waxaana dhaq dhaqaaqyo ciidan laga dareemayaa duleedka magaalada Boosaaso ee xarunta gacnsiga Puntland.

View the full article