Deni oo sheegay in Al-shabaab iyo Daacish laga sifayn doono Puntland si aysan caqabad ugu noqon maalgashiga

[Deeq A.]

Madaxweynaha dowladda Puntland Siciid Cabdullaahi Deni oo Khudbad ka jeediyay shirka Maal-gashiga Puntland ee maanta Garoowe ka furmay ayaa shaaciyay in xukuumaddiisu ay waddo qorshe lagu cirib-tiray kooxaha Al-shabaab iyo Daacish ee weli ku harsan buuraleyda Puntland si aysan caqabad ugu noqon maalgashiga Puntland.

Madaxweynaha ayaa sheegay in shirkadaha iyo maalgashadayaasha caalamiga ah aysan marmarsiinyo u noqon karin in ay maalgashiga Puntland uga baaqdan kooxaha yar ee Al-shabaab iyo Daacish ee ku dhuunta buuraleyda fog ee Puntland.

Balse wuxuu sheegay haddiiba ay taasi noqonayso marmarsiinyo looga baaqdo maalgashiga Puntland in xukuumaddiisu ay hadda wixii ka dambeeya dhammaan degaannada Puntland ka sifayn doonto haraadiga Al-shabaab iyo Daacish.

Hoos ka daawo khudbaddiisa oo dhan

PUNTLAND POST

The post Deni oo sheegay in Al-shabaab iyo Daacish laga sifayn doono Puntland si aysan caqabad ugu noqon maalgashiga appeared first on Puntland Post.