Dowladda Australia oo ku dhawaaqday go’aan halis ku ah Daacishta Soomaaliya

[Deeq A.]

Muqdisho (Caasimada Online) – Guddiga amniga iyo sirdoonka baarlamaanka dalka Australia ayaa shaaciyey in koox argagixiso ah ay u aqoonsadeen Daacishta Soomaaliya ee ka dagaalanta dhulka buuraleyda ee maamul goboleedka Soomaaliyeed ee Puntland.

Warbixin ka soo baxday guddiga ayaa lagu sheegay in kooxdan ay maleegeyso khatar halis ku ah amniga Australia iyo muwaadiiniinta dalkaasi.

Sidoo kale warkan ayaa lagu sheegay in dadka asal ahaan ka soo jeeda Soomaaliya ee ku nool Australia ay xiriir la yeelan karaan kooxdaasi.

Waxa kale oo ay dowladdu shaacisay in Daacishta Soomaaliya gesyan karto afduub ka dhan dadka reer Galbeedka, iyadoona muwaadiniinta dalkeeda ugu baaqday inay muujiyaan feejignaan iyo taxadar dheeri ah

Daacish Soomaalya ee uu hoggaamiyo Cabduqaadir Muumin ayaa la aas aasay sanadkii 2015-kii, waxaana ay haatan ku xoogan tahay dhulka buuraleyda gobolka Bari.

Kooxdan oo sanadihii dmabe sii xoogeysay ayaa sidoo kale weeraro u badan dilal qorsheysan ka fulisa magaalooyinka dalka oo ay ugu horreyso Caasimada Muqdisho.

Caasimada Online
Xafiiska Muqdisho
caasimada@live.com