Sawirro: Sheekh Shaakir oo kulan xasaasi ah la qaatay Fiqi iyo Odowaa

[Deeq A.]

Dhuusamareeb (Caasimada Online) – Madaxa xukuumadda Galmudug, Sheekh Maxamed Shaakir Cali Xasan ayaa xalay kulan gaar ah Dhuusamareeb kula qaatay xildhibaano ka tirsan Soomaaliya oo shalay gelinkii dambe gaaray gudaha magaaladaasi.

Kulanka oo ahaa mid xasaasi ah ayaa waxa uu dhexmaray, Sheekh Shaakir iyo Xildhibaanada Axmed Macalin (Fiqi) iyo Cabdiraxmaan Maxamed Xuseen (Odowaa) oo ah musharrax u taagan qabashada hoggaanka dowlad gobioleedka Galmudug.

Labada dhinaca ayaa ka wada hadalay arrimaha ammaanka, dib u heshiisiinta iyo dooraashada la filayo in dhowaan ay ka dhaco halkaasi.

Sheekh Maxamed Shaakir ayaa kula dardaarmay xildhibaanadaasi inay ka qeyb qaataan horumarka iyo dhismaha loogu jiro Galmudug oo mid ah.

Xaaladda Galmudug ayaa hadda ah mid degan, waxaana si caadi ah ku socda shirka dib u heshiisiinta oo Jimicihii uu daah-furay Ra’iisul wasaare, Xasan Cali Khayre.

Caasimada Online
Xafiiska Dhuusamareeb
caasimada@live.com