Xilliga uu furmayo shirka dib u heshiisiinta ee lagu qabanyo Dhuusamareeb oo la shaaciyay

[Deeq A.]

Dhuusa-mareeeb (PP) ─ Kulan ay magalada Dhuusa-mareeb ee caasimadda Galmudug ku yeesheen guddiga qaban-qaabada shirka dib-u-heshisiinta Galmudug ayaa waxay soo saareen hab-raac la xiriira qabsoomida shirkaas oo diyaar-garoowgiisu uu socdo.

Guddiga ayaa shirkjooda kasoo saaray shan qodob oo uu ku furmo karo shirkaas oo lagu wado in Dhuusa-mareeb uu ka furmo 17 ka Bishan lagu jiro, waxaana go’aannada ay soo saareen ka mid ah;

1. Bilawga soo dhaweynta iyo qaabilaadda ergooyinka ka qayb-galaya shirka

2. Hubinta iyo kormeeridda goobaha shirka iyo deegaanka ergooyinka.

3. Diyaarinta ajandaha iyo agabyada shirka.

4. Wargelinta iyo diyaar-garowga hay’adaha amniga iyo wasaaradda Arrimaha gudaha iyo federaalka.

5. Xadeynta waqtiga soo gaaridda ergooyinka goobta shirka oo ah: 14-ka illaa 16-ka bishan iyo furitaanka shirka oo ah: 17-ka bishan.

Sidoo kale, Dhuusa-mareeb waxaa ka socda diyaar-garoow ku aaddan qabsoomidda shirka dib-u-heshisiinta beelaha Galmudug, iyadoo lagu doonayo shirkan in beeluhu ay isku lab-xaarnaadaan ka hor dhismaha maamulka cushb ee Galmudug.

Ra’iisul wasaaraha Somalia, Xasan Cali Khayre ayaa bil iyo bar ku maqnaa deegaannada Galmudug, isagoo diyaarinayay shirka dib u heshiisiinta ee lagu qabanayo Dhuusa-mareeb, isagoo xusay in shirkan uu udub dhexaad  u noqon doono Galmudug cusub oo la dhiso.

Ugu dambeyn, Furitaanka shirkan dib u heshiisiinta Dhuusa-mareeb ayaa ku soo beegmaya, iyadoo magaalada Hobyo uu ka socdo shir beeleed gaar ah, kaasoo lagu heshiisiinayo beelo ka mid ah kuwa daga Galmudug.

PUNTLAND POST

The post Xilliga uu furmayo shirka dib u heshiisiinta ee lagu qabanyo Dhuusamareeb oo la shaaciyay appeared first on Puntland Post.