Ra’iisul wasaare Khayre oo amar deg deg ah siiyay guddiga qaban-qaabada Shirka dib-u-heshiisiinta Galmudug

[Deeq A.]

Ra’iisul Wasaaraha xukuumadda federaalka Soomaaliya Xasan Cali Khayre, ayaa magaalada Dhuusamareeb ee caasimadda dowlad gobaleedka Galmudug kula kulay, guddiga qaban-qaabada Shir-weynaha dib-u-heshiisiinta Galmudug oo ay dhawaan magacaawday wasaaradda arrimaha gudaha, federaalka iyo dib-u-heshiisiinta.

Kulanka oo ay goob joog ka ahaayeen wasiirka arrimaha gudaha, wasiirka ganansiga, xildhibaanno labada gole ka tirsan, iyo madaxa fulinta Galmudug, ayaa looga hadlay shir-weynaha dib-u-heshiisiinta Galmudug iyo dardar gelinta shaqada guddiga u taalla iyo ka mira dhalinta dadaallada leesugu keenayo dhammaan reer Galmudug si ay uga tashadaan aayaha iyo dhismaha dowlad gobaleed Galmudug loo dhanyahay.

Ra’iisul Wasaare Xasan Cali Khayre ayaa guddiga xasuusiyay shaqada adag ee loo igmaday in ay qabtaan, waxa uuna faray in sida ugu habboon, ugu dhaqsaha badan ugu daacadsan ay uga shaqeeyaan isu-keenidda bulshada, si gogosha Dhuusamareeb taalla ay uga soo baxdo natiijo farxad gelisa reer Galmudug iyo guud ahaan ummadda Soomaaliyeed, ayna Galmudug uga dhacdo doorasho xor iyo xalaal ah.

Ra’iisul Wasaaraha ayaa siyaasiyiinta iyo dhammaan bulshada reer Galmudug ugu baaqay in guddiga ay kala shaqeeyaan gudashada mas’uuliyadda ka saaran shir-weynaha dib-u-heshiisiinta
Ra’iisul wasaare Khayre iyo wafiga uu hoggaaminayo ayaa mudda hal bil ku dhow waxa ay Galmudug u joogaan arrimaha dib u-heshiisiinta bulshada degta degaannada Galmudug iyo sidoo kale qabashada doorashada madaxtinimada maamulkaasi.

Hoos ka daawo muuqaalka iyo sawirada

• 
• 
• 
• 
• 
• 

PUNTLAND POST

The post Ra’iisul wasaare Khayre oo amar deg deg ah siiyay guddiga qaban-qaabada Shirka dib-u-heshiisiinta Galmudug appeared first on Puntland Post.