Dowladda Soomaaliya oo sheegtay in Xujeeyda Soomaaliyeed sannadkan adeegyo tayeysan loo diyaariyay

[Deeq A.]

Wasiir ku xigeenka Cismaan Aaadan Dhuubow

Wasaaradda Awqaafta iyo Arrimaha Diinta XFS ayaa shaacisay in sannadkaan wasaaraddu ay aad u hibisay adeegyada ay helayaan xujeeyda Soomaaliyeed ee soo gudanaya waajibaadka xajka.

Wasiir kuxigeenka wasaaradda Awqaafta Xukuumadda Federaalka Soomaaliya Cismaan Aaadan Dhuubow ayaa sheegay in iyaga oo ka fakaraya in aysan soo laaban culeysyo horey ay ula kulmi jireen xujayda ay waqti badan galiyeen sidii loo dhameystiri lahaa adeegyada muhiimka u ah xujeyda.

Wasiir kuxigeenka ayaa dhinaca kale sheegay in shirkadaha bixiya adeegyada xajka sanadkan si siman ay u tartameen, islamarkaana tayadooda lagu soo kala xushay.

Waxaa jiray guddi ka kooban culumada iyo bulshada Rayidka, qeybna ay ka aheyd wasaaradda oo horey usoo saaray shuruucda looga baahan yahay shirkadaha bixinaya adeegyada xajka, kuwaas oo loogu talo galay in meesha ay ka saaraan dayac la sheegay in ay la kulmi jireen xujeyda Soomaaliyeed.

PUNTLAND POST

The post Dowladda Soomaaliya oo sheegtay in Xujeeyda Soomaaliyeed sannadkan adeegyo tayeysan loo diyaariyay appeared first on Puntland Post.