Dowladda Soomaaliya Oo Beenisay Inay Ka Laabatay Mowqifkeeda Dacwada Badda

[Deeq A.]

(SLT-Muqdisho)-Dowladda Somaliya ayaa waxa ay beenisay inay ka laabatay mowqifkeeda ku aadan murunka badda ee kala dhaxeeya dalka Kenya, iyadoo dhinaca kalana la baadhi doono ciddii warkaasi suuqa soo gelisay.

Saacadihii ugu dambeeyay ayaa waxay warbaahinta qaybteeda baahisay in Dowladda Federaalka Soomaaliya ay wax ka bedeshay mowqifkeeda ku aadan murunka badda.

Cabdinuur Maxamed Axmed, Agaasimaha Warbaahinta Madaxtooyada Soomaaliya ayaa shaaca ka qaaday inaanay Dowladda Somaliya ka noqon mowqifkeeda la xidhiidha kiiska horyaala Maxkamadda ICJ.

Source