ICJ oo shaacisay xilliga la bilaabayo dacwada badda Soomaaliya iyo Kenya

[Deeq A.]

Hague (SMN) – Dhageysiga Kiiska badda Soomaaliya ee ay sheeganayso Kenya ayaa la shaaciyay waqtiga rasmiga ah ee uu billaabanayo, iyadoo lasoo bandhigay jadwal ku saabsan sida ay dooda u dhacayso.

Maxkamadda Cadaaladda Caalamiga ee fadhigeedu yahay magaaladda Hague ee dalka Holland ayaa sheegtay in dhageysiga dacwadda dowladda Soomaaliya u gudbisay 2014 ay dhageysanayso bisha September ee sanadkan 2019.

Kulanka Maxkamadda ayaa furmi doona 9-ka September, waxaana uu socon doonaa illaa 13-ka bishaasi, iyadoo dhageysiga laga dhigi doono mid furan, oo lagala socon doono si toos ah baraha Internet-ka.

Dal kasta, Soomaaliya iyo Kenya waxaa la siiyay labo maalmood oo ku difaaco doodiisa ku aadan arinta xuduuda badeeda, sida ku xusan war saxafaadeed kasoo baxay shalay Maxkamadda ICJ.

Soomaaliya ayaa ku horeyn doonta difaacashada Kiiska, oo ah 9-ka September illaa 10-ka bishaas ayaan fursad la siiyay qareenada u doodaya.

Kenya ayaa raadinaysa in kiiskan lagu xaliyo meel ka baxsan Maxkamadda ICJ, taasoo dowladda federaalka ku gacan seertay mar hore, maadaama ay doonayso inay si sharci darro ah ku boobto badda dalka.

Kiiskan ayaa mugdi geliyay xiriirka diblomaasiyadeed ee Somaaliya iyo Kenya.

View the full article