Howlgallo ballaaran oo laga sameeyay Caabudwaaq

[Deeq A.]

Caabudwaaq (SMN) – Ciidamada ammaanka Galmudug ayaa maanta howlgallo ballaaran ka sameeyay degmada Caabudwaaq ee waqooyiga gobolka Galgaduud.

Ujeedka howlgallada ayaa ahaa kuwa lagu xaqiijinayay amniga magaaladaasi oo mararka qaar ay ka dhacaan falal liddi ku ah nabadgalyada.

Saraakiil ka tirsan kuwa Galmudug oo la hadlay Shabelle ayaa sheegay in baaritaanadan ay sii socon doonaan, tan iyo inta laga xaqiijinayo amniga.

Sidoo kale waxa ay ugu baaqeen shacabka ku dhaqan Caabudwaaq in ay kala shaqeeyaan amniga degmadaasi.

Galmudug ayaa maalmihii dambe xoojisay amniga, waxaana Ciidamadeeda ay howlgallo ka wadeen magaalooyinka hoos yimaada maamulkaasi.

View the full article