DEG DEG: Xubno Shabaab ah oo ku hallaagmay shirqool ay maleegayeen

[Deeq A.]

Bariire (Caasimada Online) – Labo ka tirsanaa maleeshiyada Kooxda Al-Shabaab ayaa lagu soo warramayaa in ay ku dhinteen qarax la sheegay in ay ku diyaarinayeen deegaanka Bariire ee gobolka Shabeelaha Hoose.

Wararka ayaa sheegaya in qaraxa uu ka dhacay guri ku yaalla deegaaankaasi oo lagu farsameynayay walxaha qaraxa, sida ay xaqiijiyeen ilo deegaank ah.

Ciidamo ka tirsan kuwa Milatariga Soomaaliya ayaa gaaray goobta uu qaraxu ka dhacay, waxaana la sheegay in halkaasi ay soo saareen Meydka labada nine ee ka tirsanaa Al-Shabaab.

Sidoo kale Ciidamada oo isku geedaamay guriga uu qaraxu ka dhacay ayaa baaritaano saacado badan qaatay ka sameeyay halkaasi.

Deegaanka Bariire oo qiyaastii 60 KM Koonfur Galbeed ka xiga magaalada Muqdisho ayaa waxaa dhawaan la wareegay Ciidamada dowladda Soomaaliya oo ka saaray dagaalyahannada Al-Shabaab oo muddo ka talinayay deegaankaasi.

Howlgallo iyo guluf dagaal ayaa si aad ah uga socda Shabeelaha Hoose, waxaase weeraro iyo qaraxyo ka fuliya Kooxda Al-Shabaab oo weli ku xoogan gobolkaasi.

Halkan ka daawo wararka oo muuqaal ah

Caasimada Online
Xafiiska Muqdisho
Caasimada@live.com