Kenya oo sheegtay in ay qarax ku dhinteen xubno kamid ah Al Shabaab

[Deeq A.]

Garowe (SMN) –Saraakiisha Ciidanka Kenya ee Gobolka Lamu ayaa sheegay in Afar ka mid ahaa Al-Shabaab ay ku dhinteen qarax , markii ay la kacday Miino ay iyagu aasayeen Shalay.

Saddex ka mid ahaa Al-Shabaab ayaa isla goobta ku dhintay, halka Ninka Afaraadna meydkiisa laga helay Keyn wax yar un u jirta halka uu Qaraxu ka dhacay, isagoo isku dayay in uu baxsado, sida uu sheegay Guddoomiyaha Gobolka Lamu, ahna madaxa howlgalka Keymaha Boni, Joseph Kanyiri.

Qaraxa oo ka dhacay meel u dhow Omollo Bridge, oo ka tirsan Gobolka Xeebta ee Lamu, ayay Al Shabaab doonayeen in ay la eegtaan Gaadiidka Gaashaaman ee Kenya sida uu shegay Maamulka Lamu

Ciidamadda Kenya ayaa Baaritaano ka sameeyay goobta uu qaraxu ka dhacey.

Dhanka kale Majirto War kasoo baxay Xarakadda Al Shabaab oo  ku aadan weerarkaasi qaraxa loo adeegsaday.

View the full article