Somaliland: Taariikhda iyo Wax-soo-saarkii Dugsiga Farsamada Burco

[Deeq A.]

Somaliland: Taariikhda iyo Wax-soo-saarkii Dugsiga Farsamada Burco

 

Sanadkii 1999kii baan akhriyey buug ka sheekaynaya dib u kabashadii Germany. Cutub kamid ahi wuxu gaar uga sheekaynayey Dugsiga Farsamada Gacanta ee Burco. Nuxurka buuggu wuxu ahaa Jarmalku 15 sano ayuu kaga soo kabtay burburkii iyo bayhoofkii dagaalkii labaad, kaddibna wuxu wax la’qabtay oo caawiyey ummadihii soo korayay ee ku noolaa Africa iyo Asia.

Dugsigan oo caan ku ah magaca Iskuulka Jarmalka waxa la’ dhisay sanadkii 1964kii.
Kharashka ku baxay wuxu ahaa 400,000 Dollar oo xiligaas joogay una dhigma 4 Malyuun oo Dollar oo maanta jooga.
Qorshaha dugsigan waxa lahaa mid kamid ah aabayaashii Xoriyadda waa Axmed-Keyse Xaaji Ducaale oo Reer Ceerigaabo ahaa laakiin Burco laga soo dooran jirey. Wuxu dowladdiii Cabdirashid Cali Sharmarke ka noqday Wasiirka Beeraha, kaddibna wuxu noqday Safiirka Soomaaliya u fadhiya Jarmalka Galbeed, kaddibna Ingiriiska. Jarmalku, caashaq ay caashaqeen Burco iyo dadkeeda ugumay dhisin dugsigan casriga ah ee dedaal iyo dagaal adag oo uu galay Ambassador Axmed-Keyse Xaaji Ducaale ayaa keenay dhismaha Instuutka Farsamada Burco.
Dhismaha Dugsiga waxa la geliyey tacab badan, Jarmalkuna wuxu keenay.
Aqoontii, Qalabkii iyo Macalimintii oo wada socda. Waa sababtaas sababta dadkii ka aflaxay dugsigani u noqdeen taabba-gal.
Haldoorkii ka aflaxay Burco Technical Institute ka Burco aad bay u badnaayeen, waxaynuse ka xusi karnaa:
Sheekh Mustafa Xaaji Ismaaciil (Sheekha weyn ee Soomaaliyeed)
Dr Saeed Axmed Xasan (Guddoomiyaha Jaamacadaha Golis)
Maxamed Kahin Axmed (Wasiirka Arimaha Gudaha iyo Amniga Somaliland)
Sheekh Xasan Cabdisalaam (Hoggaamiye xagga Diinta ah oo caan ah)
General Carab Ducaale Cilmi (5 Star General)
Axmed Xaashi Cabdi (Wasiir, Xildhibaan)
Cabdicasiis Samaale (Wasiirkii Maaliyadda)
Cabdiraxman Xaaji Daahir (Cammuud University)
Cabdirashid Xasan Mataan (Musharax Madaxweyne ku xigeen)
Eng Maxamed Cali Burco (Ex-Xildhaan)
Xaaji Abshir Axmed Xasan (Wasiirkii Dib u dejinta)
Cabdiraxman Raage (Agaasimihii Hay’adda Inter-peace)
Maxamed Faarax Laangadhe (Badhasaabkii Sool)
Naasir Xaaji Cali Shire (Xildhibaan)

WQ: Cismaan Abokor Dubbe

Qaran News