Yariisow oo dhagax dhigay waddada Janaraal Daa’uud

[Deeq A.]

Muqdisho (SMN) – Guddoomiyaha gobolka Banaadir, ahna Duqa Muqdisho Eng C/raxmaan Cumar Cismaan Yariisow ayaa maanta dhagax dhigay wajiga labaad dib u dayactir lagu sameynayo waddada Janaraal daa’uud ee magaalada Muqdisho.

Waddadan ayaa isku xirta degmooyinka Yaaqshiid, Boondheere iyo Warta Nabadda ee gobolka Banaadir.

Waxaa munaasabadda dhagax dhigga goob joog ahaa guddoomiyeyaasha degmooyinkaasi iyo mas’uuliyiin kale.

Guddoomiye Yariisow oo hadal kooban ka jeediyay goobta ayaa sheegay in ay tahay waddadani tii 8-aad oo Laami ah oo uu hirgalinayo maamukiisa.

Dhinaca kale Duqa Muqdisho Eng Yariisow ayaa maanta xafiiskiisa kulan gaar ah kula qaatay xubno ka socday hay’adda horumarinta mashaariicda QM ee UNDP.

Labada dhinac ayaa ka wada hadlay arrimo ku aadan horumarinta Caasimadda, sida uu Warbaahinta u sheegay guddoomiyaha gobolka Banaadir.

Halkan hoose ka daawo Sawirrada:-

View the full article