Adeega Zaadka oo dhowrkii maalmood ee la soo dhaafay hawada ka maqan, iyo lacagyow badan oo uu la fadhiyo

[Deeq A.]

Waxa gabi ahaanba hawada ka maqan adeega Zaadka loo yaqaano ee lacagayowga la isugu gudbiyo ee habka casriga ah ee Mobil to mobil, adeegani oo in mudo ahba shaqaynaaya waxa 4 cisho ee u danbeeyayba uu la fadhiyaa arin ciladeed oo aan ilaa hada la xalin.

Hadaba dhibkani waxa uu haystaa xawaaladaha Somalida ee lacagaywga ka xawila dalka dibadiisa ee adeegsan jiray adeega Zaadka, waxna aan la kulanay dad aad u tiro badan oo ay lacagtoodii ku xanibantahay adeegaasi oo doonaayay in ay qarkood reerahoodii u diraan xaqal ciidka ama biilashii masaariifta u ahaa.

Ciladani oo todobaadkii ina dhaafay kolba ay shirkadu dib u hagaajinaysay ayaa hada gabi ahaanba loo taag leeyahay, warar ka soo baxaaya shirkadaha xawaalada ee isticmaala adeegaasi ayaa sheegay in ay la xidhiidheen shirkada isgaadhsiinta ee Telesom oo loo sheegay in ciladani la xalin doono, mar aanu isku daynay in aan la xidhiidhno shirkada Telesom-na way noo suurto gali wayday

Qaran News