MD Farmaajo Oo hambalyo u diray Shacabka Soomaaliyeed

[Deeq A.]

Muqdisho (SMN) – Madaxweynaha Soomaaliya Mudane Maxamed C/laahi Maxamed Farmaajo ayaa ugu hambalYeeyay Ummadda Soomaaliyeed maalinta koowaad ee Ciidul Fidriga oo maanta si weyn looga dabaal dagayo guud ahaan dalka.

Madaxweyne Farmaajo ayaa sanadkan kiisa xiga u rajeeyay dalka iyo dadka in ay ku gaaraan Barwaaqo iyo Nabad.

“Ummadda Soomaaliyeed meel walbo oo Caalamka ay ka joogaan, waxaan ku sallaamayaa Salaanta Islaamka,  waxaan leeyahay Hambalyo , Ciid wanaagsan, Ciid Mubaarak, Alle waxaan ka baryeynaa Sanadkaan kiisa xigga in uu nagu gaarsiiyo Caafimaad iyo Nabad buuxda” ayuu yiri Madaxweyne Farmaajo.

Ugu dambeyn Madaxweynuhu waxa uu shacabka Soomaaliyeed ugu baaqay in is cafiyaan, islamarkaana ay is caawiyaan, si loo gaaro hormarka ay tiigsaneyso Soomaali weyn.

View the full article