Nin loo qabtay dilkii Gaalkacyo loogu geystay Nimco Xuuray

[Deeq A.]

Mas’uuliyiin ka tirsan laamaha amniga dowladda Puntland ee gobolka Mudug ayaa warbaahinta Puntland Post u xaqiijiyay in gacanta lagu dhigay nin ku eedaysan dil habeen ka hor magaalada Gaalkacyo loogu geystay gabar lagu magaacaabi jiray Nimco Cumar Shire (Xuuray).

Nimco oo da’deeda lagu sheegay 22 sano jir ayaa wakhtiga la dilay ka soo baxday salaadda Taraawiixda waxaana dhuunta tooray uga dhuftay koox hubaysan oo goobta ka baxsaday.

Gabadha oo dhaawac culus qabta ayaa markiiba loola cararay isbitaalka magaalada Gaalkacyo ee xarunta gobolka Mudug halkaasi oo ay ugu geeriyootay dhaawacii loo geystay.

Ciidamada amniga ayaa kadib saacado baaritaan ah waxay xalay shaaciyeen in gacanta lagu hayo nin ku eedaysan dilka gabadhaasi kadib markii sida ay sheegeen la tixraacay raadad iyo tibaax la helay.

PUNTLAND POST

The post Nin loo qabtay dilkii Gaalkacyo loogu geystay Nimco Xuuray appeared first on Puntland Post.