Maxkamadda Hargeysa Oo Laba Sanno Iyo Lix Bilood Oo Xadhig Ah Ku Xukuntay Nin Lagu Helay Dambi Ah In Uu Aflagaadeeyay Diinta Islaamka

[Deeq A.]

(SLT-Hargeysa)-Maxkamadda Gobolka Maroodi-jeex ayaa maanta xukun xadhig ah ku ridday Maxamuud Jaamac Axmed [Xamdi] oo lagu soo eedeyay inuu Aflagaadeeyay Diinta Islaamka.

Maxamuud Xamdi ayaa waxa uu kamid ahaa Macalimiinta wax ka dhigta dugsiyada Somaliland.

Maxkamadda gobolka maroodi-jeex ayaa laba sanno iyo lix bilood oo xadhig ah ku xukuntay macalin Maxamuud Jaamac Axmed ( Xamdi) oo lagu helay danbi ah in uu aflagaadeeyay Diinta Islaamka.
Muwaadinkan maanta xukunku ku dhacay ayaa lagu soo eedeyay inuu Warbaahinta internet-ka iyo baraha bulshada ku baahiyay qoraalo uu ku aflagaadeynayo Diinta Islaamka.

Maxamuud Xamdi, ayaa waxa uu kamid ahaa Musharixiintii ka qayb-galay doorashadii 2012-kii ee Golaha deegaanka Hargeysa.

Source