Iska hor imaad xoogan oo ka dhacay Muqdisho

[Deeq A.]

Muqdisho (SMN) – Warar kala duwan ayaa ka soo baxaya iska hor imaad xoogan oo maanta ka dhacay qeybo ka mid ah degmada Wardhiigley ee gobolka Banaadir.

Iska hor imaadka oo ka qarxay agagaarka Isgoyska Baar Ayaan  ayaa waxaa la sheegay inuu u dhexeeyay Ciidamo ka kala tirsanaa talisyada Booliska iyo Milatariga ee dowladda federaalka Soomaaliya.

Isku dhaca Ciidamadan ayaa yimid, kadib markii Askar ka tirsan kuwa Milatariga oo la socday Gaari Cabdi Bile ah ay isku dayeen in ay xoog ku dhaafaan bar Koontarool oo Ciidamada Booliska ay ku leeyhiin halkaasi.

Inta la xaqiijiyay waxaa iska hor imaadkani ku dhaawacmay illaa 2 Askari oo ka tirsan dhinacyada dagaalamay.

Xaaladda ayaa haatan kacsan, iyadoona meesh ay wax ka dhaceen ay gaareen Ciidamo kale oo ka tirsan kuwa dowladda federaalka Soomaaliya.

View the full article