Wararkii ugu dambeeyay qarax ka dhacay Muqdisho (Muuqaal+Sawirro)

[Deeq A.]

Muqdisho (Caasimada Online)-Dhawaqa qarax aad u xoogan ayaa laga maqlay magaalada Muqdisho, kaasi oo sababay dhimasho iyo dhaawac.

Wararka aan heleyno ayaa sheegaya in qarax xoogan uu ka dhacay agagaarka KM4, waxaana dad ku sugan agagaarka goobta wax ka dhaceen ay sheegayaan in qaraxa uu aad u xooganaa.

Ciidamada amaanka ayaa gaaray goobta ay wax ka dhaceen, waxaana warar soo baxaya ay sheegayaan in qaraxa uu ahaa mid gaariga loogu xiray ruuxii watay.

Dad goobjoogayaal ah ayaa sheegay in qaraxa lagu xiray mid kamid ah gaadiidka raaxada.

Gaariga ayaa waxaa gaaray burbur xoogan, waxaana ilaa iyo hadda aan la sheegin khasaaraha ka dhashay qaraxa caawa dhacay.

Warar dheeraad ah oo aan helnay ayaa sheegaya in ruuxii watay gaariga loo malaynayo inuu ku dhex gubtay, maadaama sida la sheegay gaari uu socday xiliga qaraxa uu dhacayay.

Hoos ka daawo Sawirada iyo Muuqaalka qaraxa.

La soco waxii kusoo kordhaa Insha allah.