Qarax khasaaro geystay oo ka dhacay gobolka Mudug

[Deeq A.]

Galdogob (SMN) – Ugu yaraan labo ruux ayaa ku dhaawacantay markii qarax Miino uu ka dhacay tuulada Taloole oo ku dhow degmada Galdogob ee gobolka Mudug, waqoyga Soomaaliya.

Qaraxa oo la sheegay in uu ka dhashay Miino ayaa waxaa la tilmaamay in ay la kacday gaari xamuul ah oo halkaasi marayay, sida ay idaacadda Shabelle u xaqiijiyeen dadka degaanka.

Dadka dhaawacmay ayaa loola cararay isbitaal ku yaalla gudaha degmadaasi si halkaasi baxbaano caafimaad loogu sameeyo.

Wali ma jiro wax war ah oo ku saabsan dhacdadaan oo kasoo baxay mas’uuliyiinta degmada iyo gobolka, oo hoosta maamul goboleedka Puntland.

View the full article