Al-shabaab oo go’doomiyay tuulooyin ku yaalla gobolka Bari

[Deeq A.]

Wararka ka imaanayaa gobolka Bari ayaa sheegaya in malayshiyaad ka tirsan Al-shabaab ay go’doomiyeen degaanno ku yaalla buuraleyda degmada Qandala oo ay ku sugan yihiin kooxda taabacsan Daacish.

Malayshiyaadka Al-shabaab ayaa la sheegaya in gooyeen waddooyin yar yar oo soo gala degaannada buuraleyda ah ee ay ku jiraan Afgaraar iyo Miiraale halkaasi oo bilihii u dambeeyay dagaallo qaraar ku dhex mareen labada dhinac.

Dadka ku sugan degaanno ka durugsan dhulka labada kooxoood isku haystan ayaa soo sheegaya in dhawaqa rasaas culus maalmaha qaar laga maqlayo halkaasi.

Hase yeeshee waxa adag in faahfaahin laga helo iyadoo isgaarsiinta tuulooyinkaasi ay go’yeen dhinacyada dagaallamaya ee kala taabacsan Daacish iyo Al-shabaab.

Sidoo kale malayshiyaad ka tirsan Al-Qaacida ayaa dhanka Koonfureed ee dalka Yemen uga soo gurmanayan kooxda Al-shabaab sida ay warbaahinta Puntland Post u sheegeen ilo’ wareedyo kala duwan.

PUNTLAND POST

The post Al-shabaab oo go’doomiyay tuulooyin ku yaalla gobolka Bari appeared first on Puntland Post.