Wasaaradda maaliyadda oo amar adag ku soo rogtay xarunta dambi baarista boosliska ee CID + Sababta

[Deeq A.]

Muqdisho (Caasimadda Online) – Wasaaradda Maaliyadda Dowladda Federaalka Soomaaliya ayaa amar deg deg ah kusoo rogtay Xarunta Dambi baarista Booliska ee CID.

Wasaaradda Maaliyadda ayaa Xarunta CID ku amartay inaysan mar dambe qaban Karin lacagaha laga qaado dadka Document-yada kasoo doontay Xarunta.

Wasaaradda ayaa Xafiis lacag qabasho ah ka dhex furatay Xarunta CID waxaana halkaas la keenay Waraaqaha lacag qabashada rasmiga ah ee Wasaaradda Maaliyadda.

Xarunta CID ayaa lagu helay isdabmarin xagga lacagaha ah waxaana maalin Kasta xarunta soo galo lacag aad u badan oo laga qaado dadka Document-yada usoo doonto oo ay ugu badan tahay kuwa  doonayo inay Baasaboor sameystaan oo laga rabo inay xaruntaas kasoo qaataan Waraaqda dambi la’aanta.

Maalmihii ugu dambeeyey ayaa Xarunta CID waxaa lagu dhex arkayaa Wakiilo ka socdo Wasaaradda Maaliyadda oo qaadayo lacagaha dadkana u jaro waraaq lacag qabasho u xisaabsan Wasaaradda Maaliyadda.

Dadka Documetiyada u doonto Xarunta CID ayaa markii hore laga qaadi jirin lacago Laaluush ah waxaana hadda muuqato in Xarunta ay kusoo laabatay qaab sharci ah.

Dhanka kale weli waxaan Xarunta ka hirgelin amarkii ahaa in la joojiyo Xarunta CID laga dhex furay ee dadka lagu sawiro.

Wasaaradda ayaa amartay in dadka ay Sawirada kasoo galaan meelo ka baxsan Xarunta balse weli amarkaas ma uusan hirgelin.

Wasaaradda Maaliyadda ayaa dadaal xooggan ugu jirto sidii ay gacanta ugu dhigi laheyd illaha dhaqaale ee dalka waxayna horey xarumo kale uga dhex furatay meelo badan oo markii hore lacagaha la iska qaadan jiray.

Caasimada Online
Xafiiska Muqdisho
Caasimada@live.com