Wafuud kala kalagdisan oo heer caalami iyo mid gobol ah oo la filaayo in ay booqdaan Somaliland

[Deeq A.]

Warar ay shabakada Qaran news ka heshay ilo wareedyo mihiim ah ayaa xaqiijinaa in mudooyinka dhow ee fooda inagu soo haya ay Dalka ku soo waajahanyihiin wafuud kala gadisan oo ka kala socda qaar ka mid ah dalalka qaarada Africa, Yurub, Maraykanka iyo Ruushka.

Waftiyadani ayaa wararku sheegayaan in mid kastaaba uu gaarkiisa u socdo oo aanu midna ka kale ka warqabin.

Waftiga laga yaabo in uu ugu soo horeeyo in uu Dalka yimaado ayaa lagu wadaa in uu noqdo wafti balaadhan oo ka socda dalka Itoobiya waftigaasi oo heer fadaraal ah ayaa wararku xaqiijinaa in waftigaasi uu socdaalkoodu ku wehelin doono madaxweynaha maamul goboleedka Somalida Itoobiya.

Waftigan Itoobiyaanka ah oo la filaayo in ay Dalka yimaadaan todobaadkani ayaa booqasho indho indhayn ah ku tagi doona dekada magaalada Berbera oo ay dawlada Itoobiya isha ku hayso sidii ay mudooyinka dhow u isticmaali lahayd.

Qaran News