Xaaska hoggaamiyaha Daacish ee Soomaaliya oo dacwad ka gudbisay sirdoonka UK

[Deeq A.]

London (SMN) – Marwada u dhaxda hoggaamiyaha Daacish ee Soomaaliya Cabduqaadir Muumin ayaa dacwad  ka dhan ah sirdoonka UK ugudbisay  maxkamad ku taalla dalkaasi.

Muno Cabdulle oo ah xaaska hoggaamiayha Uurka Daacish faraceeda Soomaaliya oo ku nool wadanka Britain ayaa shaaca ka qaaday  in sanadkii 2013-kii mar ay qabteen sirdoonka dalkaasi, iyadoo ka soo laabatay Soomaaliya oo ninkeeda kula soo kulantay ayaa waxa ay sheegtay in ay ku xadgudbeen sirdoonka oo ay  jirdil iyo garaacitaan iskugu dareen xilli ay su’aalo weydiinayeen sida ay sheegtay.

Haweeneydan oo heysata dhalashada Ingiriiska, balse asal ahaan ka soo jeeda Soomaaliya ayaa sidoo kale  ku eedeysay sirdoonka dalkaasi in ay koronto u adegsadeen jirkeeda xilligii ay su’aalaha ka weydiinayeen tagitaan keedii Soomaaliya.

Qareen u hadlay maxkamadda sare ee Ingiriiska ayaa sheegay in dowladdu ay ogolaatay in eedeymahan kuwooda xasaasiga ah loo dhagaysto qaab qarsoodi ah.

Hadii dambigani uu ku cadaado sirdoonka Uk ayaa la sheegay in Haweeneydan ay heli doonto Lacag mag dhaw ah oo gaareysa 1.3 Milyan oo doller-ka Mareykanka ah.

Cabduqlaadir Muumin hoggaamiyaha Daacish ee Soomaaliya ayaa  2010-kii ka soo tgay UK, xilligaasi oo uu yimid yimid dalka, kuna biiray Al Shabaab basle markii dambe ka mid noqday kooxda Daacish ee ku sugan deegaanada Puntland.

Xigasho:-Sputniknews.

The post Xaaska hoggaamiyaha Daacish ee Soomaaliya oo dacwad ka gudbisay sirdoonka UK appeared first on Shabelle.

View the full article