Magacaabista Turkiga ee Ergeyga Gaarka ah ee wadahadalada Somaliland iyo Somalia Ambassador Olga

[Deeq A.]

Turkigu wuxuu ka mid ahaa boqortooyooyinkii u horeeyey ee Soo Xukumay Dalka Somaliland waqtigii Dowladii Cusmaaniyada.

Waxaanu Raadkii Dowladii Cusmaaniyadu si weyn uga Muuqdaa dhamaan Dalka Somaliland khaas ahaan Dhulka Xeebaha ku Teedsan. Arintaasi oo muujineysa in Taariikh facweyni ay ka dhaxaysay Somaliland iyo Turkiga.

Waxaase lama filaan Noqotay ka dib markii Turkigu si weyn isugu balaadhiyey Geeska Africa khaas ahaan Somalia oo uu ka sameeyey Qaacidada Milatary ee ugu weyn Ee uu Dalalka Dibada ku leeyahay, isla markaana si Hagar La’aan ah uu u dhisay Somalia, Isagoo Somaliland u quudhi waayey in Xataa Sakada uu Somalia ku dhiso in uu Somaliland oo ah Dal boqolkiiba boqol Muslim ah in uu wax uga Qoondeeyo dhaqaalaha faraha badan ee uu ku bixiyo Somalida. Asagoo Xataa Tahli kari waayey in Uu Dabaqabateeyo Raadkii Xadaaradii Faca weyneyd ee Boqortooyadii hore ee Turkiga oo iminka sii Dabai go’aysa.

Arrintani waxay Daaha ka rogeysaa sida foosha xun ee Turkigu ugu kala Eeexday Somaliland iyo Somalia, dhinaca Horumarka iyo Siyaasadeed.

Hadaba la yaab ma ah in Turkigu iska fogeeyo Somaliland haduu u arkay in aanay Somaliland uga fulaynin Siyaasada Turkigu ka leeyahay Badda Cas iyo Gacanka Carbeed oo Hirdan adag oo Siyaasadeed iyo Milatari uga dhaxeeyo Wadamada Khaliijka oo ay Somaliland Gacan Saar leeyihiin iyo Dowlada Turkiga.

Waxaase la yaab leh in Turkiga oo ku Guuldareystay in uu Sakada uu bixiyo uu ugu Cadaalad falo Somalia iyo Somaliland, in uu hadana maanta isu soo sharaxo in uu ka Garnaqo arinta Masiiriga ah ee ka dhaxaysa labada Dal ee Somaliland iyo Somalia , Ayadoo waliba Umadda Reer Somaliland ogsoon yihiin Mudadii dheereyd ee uu Turkigu Gacanta ku Hayley arrintan, in uu si xun u shirqoolay Somaliland Indhaha Dunidana ka qariyey oo God dheer la galay Qadiyada Somaliland. Isla Markaana fulin kari waayey go’aankii kali ahaa ee mudadaa dheereyd ka soo baxa wada hadaladii uu hormuudka ka ahaa Turkigu ee ku saabsanaa arintii Maamulka Hawada oo Somalia markii Dambena ay ku Gacan saydhay Heshiiskii laga gaadhay arintaasi .

Muumin laba Jeer God lagama wada Qaniino.
Alla Mahad leh

Ali Mahamed Waranade
Sent from my iPhone

Qaran News