Al Shabaab Oo sheegtay qaraxyo ka kala dhacay Kismaayo iyo Baydhabo

[Deeq A.]

Baydhabo ( Sh. M. Network )-Al Shabaab ayaa sheegtay masuuliyadda qarax khasaaro geystay oo ka dhacay magaalada Baydhabo ee xarunta gobolka Baay.

Warar ay Al Shabaab ku baahiyeen boggagooda Internet-ka ayaa waxa ay ku sheegeen in qarax xoogan ay la eegteen Ciidamo ka tirsan kuwa K/ Galbeed Soomaaliya, kaas oo ka dhacay xaafadda Hareeri Kaadiyow ee magaaladaasi.

Al Shabaab ayaa sheegay in qaraxani ay ku dileen illaa 4 Askari, kuna dhawaaceen 10 kale oo ka tirsanaa Ciidanka maamulkaasi, sida ay hadalka u dhigeen.

Dhinaca kale Al Shabaab ayaa ka hadlay qarax kale oo Ciidamo ka tirsan kuwa Jubbalamd lagula eegtay M/ Kismaayo ee xarunta gobolka Jubbada Hoose.

Qaraxani oo ka dhacay Xaafadda Fiya Afmadow ee magaaladaasi ayaa waxa ay Al Shababaab sheegeen in ay ku dhaawaceen illaa 2 Askari oo ka tirsanaa Ciidanka maamulkaasi, sida ay ku baahiyeen barahooda Internet-ka.

Illaa iyo hadda ma jiro wax hadal ah oo ka soo baxay maaamullada Koonfur Galbeed iyo Jubbaland oo ku aadan qaraxyadaasi.

Inta badan Dagaalyahannada Al Shabaab oo weli ku xoogan dalka ayaa weeraro ka fuliyay koonfurta iyo bartamaha Soomaaliya.

The post Al Shabaab Oo sheegtay qaraxyo ka kala dhacay Kismaayo iyo Baydhabo appeared first on Shabelle.

View the full article