Shacabka Gedo Oo ka caabanaya duqeymaha Kenya ay ka fuliso gobolkaasi

[Deeq A.]

Ceelwaaq ( Sh. M. Network )-Qaar ka mid ah shacabka ku dhuqan gobolka Gedo ee koonfurta Soomaaliya ayaa ka cabanaya duqeymaha diyaaradeed oo ay Ciidamada Kenya ka fuliyaan gobolkaasi.

C/raxmaan Cabdi oo ka mid ah dadka deegaanka oo la hadlay Shabelle ayaa sheegay in khasaaraha ugu badan duqeymahaasi uu soo gaaro dadka Rayidka ah ee ku dhaqan halkaasi.

Sidoo waxa uu sheegay in duqeyntii ugu dambeysay oo ka dhacday agagaarka degmada Ceelwaaq,  gaar ahaa deegaanada Faxfaxdhuun iyo Buusaar lagu laayay Xoolo fara badan, sidoo kalena lagu dhaawacay ilmo yar.

Dhinaca kale C/raxmaan Cabdi  oo hadalkiisa sii wata ayaa ugu baaqay dowladda federaalka Soomaaliya iyo Jubbaland  in ay soo fara galiyaan arrintaasi.

Waxaana uu ka dalbaday in ay wax ka qabtaan duqeymaha Kenya ay la beegsaneyso goobaha ay dagan yihiin dadka Rayidka ah.

Muddooyinkii dambe diyaaradaha dagaalka ee Kenya ayaa sare u qaaday duqeymaha dhinaca cirka ah oo ay ka fulinayaan gobolka Gedo ee K/ Soomaaliya.

The post Shacabka Gedo Oo ka caabanaya duqeymaha Kenya ay ka fuliso gobolkaasi appeared first on Shabelle.

View the full article