Odayaasha Koonfur Galbeed oo go’aan kasoo saaray doorashada maamulka

[Deeq A.]

Baydhabo (Caasimada Online) – Odayaasha dhaqanka ee degaanada maamulka Koonfur Galbeed ayaa dalbaday in la sii daayo Sheekh Mukhtaar Roobow Cali oo shalay dowladda Soomaaliya ay kasoo xirtay Magaalada Baydhabo ee Caasimadda ee maamulka Koonfur Galbeed.

Odayaasha ayaa sheegay in banaanbaxyadda ka socda Magaalada Baydhabo ay sii socon doonaan tan iyo inta lasoo deynaayo Mukhtaar Roobow Cali.

Waxa ay sidoo kale tilmaameen in doorasho aysan ka dhicin karin 19 Bishaan Magaalada Baydhabo, hadii ay ka dhacdana wixii dhibaato ah oo ka dhasha Mas’uuliyideeda in ay qaadeyso dowladda Soomaaliya.

Odayaasha waxay ka digeen in doorasho jujuub ah oo ka dhacda Baydhaba wixii dhibaato ah ee ka yimaadda ay mas’uuliyadeeda qaadi doonto dowladda Soomaaliya.

Wali xaalad kacsanaan ah ayaa laga dareemaya magaalada Baydhabo waxaana qeyba ka mid ah magaalada laga maqlaya rasaas Goos Goos ah.

Caasimada Online
Xafiiska Baydhabo
Caasimada@live.com