Weerar lagu qaaday Iran oo Imaaraadka lugaha la galay iyo Tehran oo dhaaratay

[Deeq A.]

Tehran (Caasimada Online) – Wasiirka arrimaha dibedda Iran, Javad Zarif ayaa tusmeeyey in Imaaraadka Carabta ay ku lug lahaayeen weerarkii afarta qof ku dilay, 27-ka kalena ku dhaawacay magaalada koonfureed ee Chabahar, khamiistii.

“Weerarka Chabahar, waxaa fuliyey argagixiso xiriir la leh shisheeye” ayuu Zarif soo dhigay twitter-ka, isaga oo intaas ku daray “Gacanta caddaaladda ee Iran waxa ay gaari doontaa argagixisada iyo kuwa maamula”

Zarif ma uusan sheegin shisheeyaha ku lugta lahaa weerarkan; si kastaba, si kastaba waxa uu si cad u sheegay in sirdoonka Iran ay sanadii 2010 xireen kadibna dil toogasho ku fliyeen Cabdulmaalik Rigi oo ahaa hoggaamiyaha kooxda Jundullah, markii uu kasoo laabtay dalka Imaaraadka Carabta.

Foreign-backed terrorists kill & wound innocents in Chabahar. As we’ve made clear in the past, such crimes won’t go unpunished: In 2010, our security services intercepted & captured extremists en route from UAE. Mark my words: Iran WILL bring terrorists & their masters to justice pic.twitter.com/Tij1I7zemx

— Javad Zarif (@JZarif) December 6, 2018

Iran ayaa horey Sacuudiga iyo Imaaraadka Caabta ugu eedeysay inay ka dambeeyeen weerarkii argagixisada ee bishii September ka dhacay magaalada Ahwaz.

Koonfurta Iran oo inta badan weerarada argagixiso ay ka dhacaan ayaa waxaa ku badan sunniyiinta dalkaas ee laga tirada badan yahay, waxaana ka dagaalama kooxo gooni u goosad ah oo doonaya inay ka go’aan Iran oo ah dal inta badan dadkiisu ay yihiin shiico.

Caasimada Online
Xafiiska Qaahira
Caasimada@live.com