Dagaal ka dhacay Belad-xaawo iyo Nabadoon la gawracay

[Deeq A.]

Belad-xaawo (Sh.M.Network) – Dagaalka oo ahaa mid culus ayaa udhaxeeyay ciidamada dowladda Soomaaliya iyo dagaalamayaasha hubeysan ee Al-Shabaab.

Warar ayaa intaas ku daraya in xoogaga Shabaab ay xalay usuuragashay inay la wareegeen magaalada kahor inta uusan dhicin iska hor-imaad.

Khasaaro isugu jira dhimasho iyo dhaawac ayaa lasoo sheegayaa inuu geystay dagaalka, inkasta oo aanan la hubin tirada saxda ah.

Maamulka degmada ayaa tilmaamay inay Al-Shabaab ka saareen magaalada, islamarkaana ay haatan iyaga gacanta ku hayaan amniga Belad-xaawo.

Ma jiro wax hadal ah oo kasoo baxay Shabaab oo ku aadan dagaalka xoogan ee ka dhacay degmada Belad-xaawo ee gobolka Gedo.

Dhanka kale, fahfaahinta ayaa intaas ku dareysa in Al-Shabaab ay xalay kala soo baxeen hoygiisa Nabadoon caanka ka ahaa gobolka.

Nabadoon “Dhaqane Muudey” oo dhowaan ka yimid dhanka Doolow ayay wararku sheegayaan inay Al-Shabaab gawracday.

Ma cadda sababta ka dambeysay arrintaan, xili aanu jirin war ay xarakad Al-Shabaab kasoo saartay dhacdadani.

Degmada Belad-xaawo oo ku taala xadka Soomaaliya iyo Kenya ayaa in-dhawaanahaan amnigeeda wuxuu ahaa mid liitay, xili saraakiisha ciidanka xooga dalka ay sheegteen inay xaqiijin doonan.

The post Dagaal ka dhacay Belad-xaawo iyo Nabadoon la gawracay appeared first on Shabelle.

View the full article