W/ Gargaarka Oo ka qeyb gashay Ololaha lagu dhisayo Tiyaatarka

[Deeq A.]

Muqdisho ( Sh. M. Network )-Iyadoo weli xarunta golaha murtida iyo madadaalada ee National Teatre uu ka socdo ololaha Isxilqaan ee lagu dhisayo xaruntaasi ayaa waxaa maanta ka qeyb galay wasiirka Gargaarka iyo Maareynta Musiibooyinka, ku xigeenkiisa, iyo qaar ka mid ah shaqaalaha wasaaraddaasi.

Xamsa Saciid Xasmsa wasiirka  Gargaarka iyo Maareynta Musiibooyinka XFS  ayaa Madaxweyne Farmaajo iyo Ra’iisul wasaare Kheyre uga mahadceliyay ololahan dib loogu dhisayo xarumaha danta guud ee dalka.

Wasiirka  Gargaarka iyo Maareynta Musiibooyinka ayaa tilmaamay in ay muhiim tahay in laga wada qeyb qaato dib u dhiska dalka.

Dhankiisa wasiir ku xigeenka wasaaradda Gargaarka iyo Maareynta Musiibooyinka C/rashiid Xasan Maxamed ayaa dhalinyarada Soomaaliyeed iyo Madaxda dowladda ugu baaqay in ay ka qeyb qaataan dardar galinta Ololahan dib u dhiska loogu sameynayo xarumihii muhiimka ahaa ee  ku burburay dagaalladii sokeeye ee dalka.

C/rashiid Xasan Maxamed ayaa tilmaamay in loo baahan yahay in mas’uuliyad la’iska saaro bilic soo celinta Caasimadda Soomaaliya ee Muqdisho.

Ololaha isxilqaan ee uu horay ugu dhawaaqay Madaxweyne Farmaajo ayaa si dar dar leh uga socda dalka isago oo ku sii fidiya meelo ka baxsan M/ Muqdisho.

The post W/ Gargaarka Oo ka qeyb gashay Ololaha lagu dhisayo Tiyaatarka appeared first on Shabelle.

View the full article