Isbedel ballaaran Oo lagu sameeyay talisyada degmooyinka G/ Banaadir

[Deeq A.]

Muqdisho ( Sh. M. Network )-Taliska Ciidanka Booliska Soomaaliyeed ayaa isbedel ballaaran ku sameeyay qaar ka mid ah taliyeyaasha saldhigyada Booliska ee degmooyinka Gobolka Banaadir.

Sidoo kale waxaa xilalkii laga qaaday taliyeyaasha illaa afar saldhig Boolis iyo talis qeybeedyo.

Talisyada xilalka laga qaaday ayaa waxaa ka mid ah taliyeyaasha saldhigyada howlwadaag, Yaaqshiid, Heliwaa iyo Dharkenley, iyadoona loo magacaabay kuwa cusub.

Wararka ayaa intaasi ku daraya in xilka laga qaaday taliyihii qeybta Galbeed ee Booliska Qaasim Axmed Rooble, waxaa xilkaasi loo magacaabay Yuusuf Xundubey oo horay u ahaa ku xigeenka qeybtaasi.

Sidoo kale waxaa la magacaabay talisyada qeybaha gobolka Banaadir, iyadoo loo magacaabay rag dhalinyaro ah oo ka tirsan Taliska Booliska Soomaaliya.

Tallaabadan ayaa ku soo aadeysa, xilli Jimcihii la soo dhaafay qaraxyo is xig xigay ay ka dhaceen gudaha magaalada Caasimadda ah ee Muqdisho.

The post Isbedel ballaaran Oo lagu sameeyay talisyada degmooyinka G/ Banaadir appeared first on Shabelle.

View the full article